Aurland Husflidslag

Laget held til i Hopastova. Her har me stover og kjøkken som også fungerer som aktivitetslokale. Me har systove med ulike symaskiner, strikkemaskiner, snikkarbod, vevstove på loftet og keramikkverkstad i kjellaren. Dersom du vil nytta noko som tilhøyrer husflidslaget, må du vera medlem. Aurland Husflidslag har aktivitetskveldar og kurs innan husflid. Laget samarbeider med andre lag og organisasjonar i kommunen om ulike arrangement. Ung Husflid har normalt fire aktivitetskveldar kvar haust og kvar vår. Første laurdag i advent arrangerer me julemesse i Flåm Samfunnshus.