La førjulsmørkret senke seg og julestemninga finne vegen inn når Fjellfolk kjem til Aurland!
Med varme tonar, vakre melodiar og røter i norsk folkemusikk inviterer Trym Bjønnes og Helga Jacobsen til ei musikalsk oppleving utanom det vanlege.
Denne kvelden kan du leggje førjulsstria til side og nyte ei stemningsfull stund med musikk, nærvær og gamle juletradisjonar i ny drakt.
Om artistane
Fjellfolk består av Trym Bjønnes og Helga Jacobsen frå Bykle i Setesdal. Dei har spelt saman i over 20 år og har utvikla sitt eige musikalske uttrykk i skjeringspunktet mellom norsk folkemusikk, viser og moderne elektroniske tonar.
Duoen fekk nasjonal merksemd med MGP-låten Ulvetuva i 2013, og seinare med Kor tok du veg, som låg på A-lista til NRK P1 i fleire veker.
I 2026 fekk Trym Bjønnes på nytt merksemd gjennom deltakinga si i The Voice Norge, der han nådde semifinalen.
På denne julekonserten hentar Fjellfolk fram både kjende og gløymde skattar frå den norske vinter- og juletradisjonen. Med respekt for det gamle og rom for nye musikalske uttrykk gir dei nytt liv til melodiar og songar som har følgt generasjonar før oss.
Velkomen til ei varm og stemningsfull førjulsstund med Fjellfolk i Vangen kyrkje!
Med støtte frå Sogn Sparebank og Norocs.
Lenke til billettar kjem!
